Hundaþjálfun og atferlisráðgjöf

Katrín Edda Þórðardóttir er starfsmaður hjá Betri Hundar.

Frá unga aldri hefur hún verið gríðarlega áhugasöm um hunda og önnur dýr. Þegar hún var 12 ára gömul eignaðist hún sinn fyrsta hund hann Húna, fullkominn Írskur setter sem fylgdi henni næstu 12 árin. Árið 2020 þjálfaði hún sinn fyrsta hund sjálf, hann Myrkva Border Collie. En saman fóru þau á hvolpanámskeið þar sem hún kynntist í fyrsta sinn klikker þjálfun. Í dag á hún þrjá ketti og tvo Border Collie hunda sem öll hafa verið þjálfuð með klikker.

Með árunum hefur áhugi hennar aukist og hefur hún lokið grunnnámi í hundaþjálfun í Karen Pryor Academy, framhaldsnámi hjá sama skóla þar sem hún útskrifaðist sem cerified KPA CTP dog trainer ásamt dómara og þjálfaranámi hjá NoseWork klúbb Íslands. Nú vinnur hún að því að sérhæfa sig í hvolpa uppeldi og samsetningu á slíkum námskeiðum.

Hún hefur metnaðarfull markmið og stefnir á frekara nám hjá Karen Pryor Academy og í B.A.T. hjá Grishu Stewart. En eftir að hafa lesið BAT 2.0 eftir Grishu Stewart heillaðist hún að hugmyndafræðinni og þjálfunaraðferðum sem Grisha notast við.

Í dag er hennar helsta áhugasvið hvolpauppeldi þar sem hún fær að fylgjast með ævilöngu sambandi skapast milli eiganda og hvolps. Hún er einnig mjög áhugasöm um Cooperative Care og hvernig sé hægt að aðstoða hunda sem glíma við erfiðleika.

Elín Elísabet er starfsmaður hjá Betri Hundar.

Elín hefur átt gæludýr allt hennar líf og nokkra hunda með fjölskyldunni, meðal annars Doberman og tvo Cavalier hunda.

Um leið og hún varð 18 ára fékk hún sinn eigin hund, hann Túrbó Diesel sem er 4 ára Boreder Collie/ Labrador blendingur. Hann hefur glímt við ýmis líkamleg vandamál ásamt kvíða og hefur Elín lært mikið á þeim sviðum út frá honum.

Einnig á hún líka 2 ára þýskan fjárhund sem heitir Nítró Diesel. Hann er mikill prakkari og kúrubangsi en hann fór að verða mjög reactívur á unglingsárunum sem þau hafa langt mikla vinnu á að vinna úr og eru stöðugt að vinna að því.

Elín útskrifaðist úr Victoria Stillwell Academy árið 2023.

Einnig hefur hún sótt hin ýmsu námskeið um sýningarþjálfun og sýnt hunda af allskonar tegundum síðan 2019.

Hún hefur mikinn áhuga á veiðihundaþjálfun, styrktarþjálfun hunda, næringu og að vinna með reactíva hunda.

Hún stefnir á að mennta sig meira og sérhæfa sig á þessum sviðum á næstu árum.

Mona Hadaya-Thornton er starfsmaður hjá Betri Hundar.

Mona hefur ekki átt gæludýr allt sitt líf, en ekki án mótmæla! Fyrsti hundurinn hennar var gamall Silky Terrier hundur að nafni Máni sem þjáðist af þunglyndi eftir að eigandi fluttist á brott, hún var 23 ára þegar hún eignaðist hann og loks hún Salka sem er BC/terrier blendingur sem hún fékk eftir að fjölskyldan hennar fann að þau höfðu ekki það sem Salka þurfti frá þeim.

Salka hefur glímt við mikinn kvíða en allir helstu sérfræðingar sem fá að kynnast henni eru viss um að henni muni fylgja fræðibók í framtíðinni.

Mona fór í hundaþjálfaranám árið 2019 og útskrifaðist með leyfi frá IACP til að þjálfa hunda. Henni þótti það þó ekki nóg og vann undir handleiðslu Heiðrúnar Klöru í Hundaakademíunni í 9 mánuði.

Mona lauk grunni í klikker-þjálfun hjá Karen Prior árið 2019.

Árið 2020 hóf Mona meistaranám í hagnýttri atferlisgreiningu (BCBA) við Háskólann í Reykjavík og hefur unnið sem atferlisþjálfi bæði á leikskóla og í grunnskóla.

Þó að vinna með börnum og hundum er ólík að þá hefur þessi þekking komið henni vel í hennar vinnu með hundum.

Mona hefur tekið ýmis námskeið á vegum Grisha Stuarts árið 2021 en stefnir að því að klára þá gráðu á næstu árum.

Árið 2022 flutti Mona til Bandaríkjanna en kynntist þar starfsemi Ruff World Training en þau sérhæfa sig í að þjálfa athvarfshunda sem hefði verið lógað í öðrum fylkjum vegna árásarkenndrar hegðunar.

Mona hefur tekið að sér einkaþjálfun bæði á Íslandi og í Bandaríkjunum og þá hefur hún einbeitt sér mest á að vinna á fælni hunda, hvort sem það er tengt snyrtingu, aðskilnaði, öðrum dýrum eða mönnum.